المساعد الشخصي الرقمي

مشاهدة النسخة كاملة : يؤ تخيلوا اخرتها طلع عمي مدمن!!!


منيرة البخيت
24-08-2002, 11:27
يؤ تخيلوا اخرتها طلع عمي مدمن!!!


بسم الله توكلنا هذي اول مشاركه اشارك فيها ولكن قررت اشارك هالمره على

شان قصة عمي الي اكتشفت بعد مده طويله انه كح كح مدمن

والغريبه انه وصل الخمسه والثمانين من عمره لاحول ولا قوة الا بالله قصة عمي


مع الأدمان طويله كح تخيلوا من عمره 15 وهو في بداية شبابه سار مدمن؟



بتقولون بنت اخوه نصابه بس ماعليه نصابه نصابه الي تشوفونه بس الي نسيته


اقوله ان ادمان عمي نوع ثاني ماهوب كوكائين ياشينكم على طول قررتم انه

من خريجين الامل وقمتم تلفتون في بعض وغسلتم يدينكم مني هذاك عمها

وشلون هي......المهم ادري ان الي يقرا هالموضوع يتمنى تكون معه زبيريه وانا

قدامه بس ماعليه :(<--- يازين كشرتي وانا مكشره كح <<--- واحد يطالع فيها

يقول ماتلاحضين انك طولتيها وهي قصيره ..بصراحه يمكن سالفة عمي طويله


ولو اقصها على احد يمكن يقول البنت نصابه<-- توك تدرين .. بس الحقيقه انا

اشوف هالشي ذا قدام عيوني تخيلوا انسان يشرب ثمان الى تسع دلال يوميا



ماتلاحضون انها كبيره بس هذا الصدق ..مع العلم ان معدل شربه ذا معدل عادي

جدا بالنسبه له.. صلح عمي قبل كم سنه عمليه تخيلوا صلحوله بنج موضعي

مانفع زودوا البنج برضوه مانفع احتاروا فيه مختصين البنج مالقوا الا حل واحد

انهم يخربونها وعطوه بنج كامل للجسم..جلست وربي وانا اكتب هالموضوع

احسب معدل شربه المتوسط على من عمره 15 إلى عمره 85 بمعدل 5 دلال يوميا

<<---- وحده فاضيه ماعليه شوفوا عاد كم دله شربها لين الحين خلونا نحسبها

مع بعض احسبوا من عندكم وانا بحسب من عندي(127750) يهيـب ياعمي وصل

لخانة مآآآآآت الآلاف هذا وانا حاطه معدل شربه خمس دلال وهي ولا شي

بالنسبه وبعد طولة عمر بعد كم سنه نبي نحسب كم دله شرب لين ذاك الوقت....



وش رايكم بالعم المدمن ووش الحل مع هالعم؟؟؟

LOVE BANK
24-08-2002, 01:55
اقطع يدي اذا انتي صادقة

علي الطلاق اذا انتي صادقة

احلق جذلتي اذا انتي صادقة

اقول روحي زين بلا نصب.......:) :)

منيرة البخيت
24-08-2002, 09:08
سالخيررررررررررررر....


شكلك تبي تحلق قرونك مهيب جذلتك على قولتك :mad:

وبعدين لاتضحك ربي يبلاك تصير مدمن ضبان بدال القهوه:D .. استغفر ربك وقل الله يكفينا شر الادمان

ودمتم بنت اخت كل الغلا:D ...

Ya7lelkom
25-08-2002, 12:06
لوف بانك .......وش فيك على امى منيـــــــــرة هاه هههههههههاى

والله ترى اسم امى " م ن ي ر ة " وادلعها... مناير.... " ياشين الدلع على ا

لعجوز" ..

المهم ترى منيرة صادقة ...... فيه ناس اطقع من عمها بشوى يعنى 6 دلال

يوميا..... سعة الدلة الواحدة بما يعادل ماء صحة كبير... "القصيم".. وله 35 سنه وهو يشرب هالمقدار يوميا .... "لحظة كم قالت سنة منيرة لعمها " 70 سنة

تقريبا له 75 سنة يشرب .".خمر " .. قصدى قهوة .......... ومثل ما قالت امى

مناير البنج ما ينفع معه .......... حتى لو عشر سنين ماينفع معه البنج ..والله

مشكورة مناير على طعم هالسالفة ....

..................اسمك سياحى......... "منيرة البخيت" ........ له رنه ..ومشكورة

على هالموضوع الحلووووووووووووو ياهوووووووووووووووووووه

منيرة البخيت
26-08-2002, 10:54
هلا والله ياحليلكم....

اقول ماعليك من لوف بانك تراها غيرانه من اسمي :p

ويسعدني انه اعجبك الموضوع والله احمرت شدوقي يوم قريت مدحك :o

وبعدين وشفيه دلع العجز:mad: الا يهبل دلعهن والعجز هن طعم هالحياة.. عسى الله يخليلك ميمتك ويطول بعمرها يارب

واسفه على التأخر بالرد..

Mijdaff
26-08-2002, 09:07
اي و الله الرجه ... و بعدين احمدي ربك انه مدمن قهوه ..
ما قلت لك انا ؟؟
اجل اسمعوا كلكم مو تقعدون عدها مدري ايش .. من الحين انتبهوا .. :

لي خال اسمه " ********** " ======> ( حشى كلمة مرور مو اسم ) ..
مدمن .. و مدمن بقوه بعد ..
بس مشكلته ان الادمان مو مخدرات بعد و الا كان عالجناه ..
المشكلة انه مدمن لبن .. ها الفكوك ..
حتى العنز حقته نشف ديدها ===> ( يقولون بتتشفر ذا الكلمه ) .. كل يوم يحلبون منها .. و عمي الله يهديه ما يعترف بكوب و الا كوبين .. و لا دلايه و لا دلايتين .. سطول .. على اربع سطول .. و كل سطل يعادل 8 لتر .. و هو على ذا الحال ما يقارب الـ 58 سنه .. و هو عمره الحين ما يقارب الـ 70 سنه .. واذا حسبنا كم لتر شرب الى هذا الوقت كملوا العملية الحسابية التالية :
(58 × 12 × 30 × 8 = ..... لتر ) ..

و المشكله ان اللبن مهو مثل القهوه .. لأن اللبن يجيب النفاخ .. وانتم عارفين وش يصير اذا جاك انتفاخ بالبطن :D ;) .. و تعال شف عاد .. انواع الريحه .. احب راسه و انا متلطم .. تصدقون اني اذا جيت اروح الى دائره حكوميه و زحمه آخذه معي .. يطلعون حتى الموظفين من الدائره بسبب الريحه .. :eek: ..

المهم ....... اذا عندكم حل .. قولوا لي انا بعد ........ :confused:

-------------------------------------------------

تحياتي الفكوكيه .. لهذا اللبن المسبب للإنتفاخ ..

العطــــــيب
10-06-2003, 10:20
هههههههههههههههههههههههههههه

زماااااااااااان يا منتدى النخبه انا لقيت ذا المشاركه مدفونه بين اكوام غبار وقلت

انشطها لكم تشوفون تنكيت وتميلح ايام زمان في المنتدى ...


لاحظوا توقيع بنت البخيت ...

دامت التواقيع الفاتنه لي فاتنه ...

الموضوع لعرض الصوره اكثر منه للموضوع ...

اجاركم الله من العطيب اذا انعطب .