المساعد الشخصي الرقمي

مشاهدة النسخة كاملة : ياشعب الكلااااااااااااااااااااااااااام


IIIalbargIII
05-05-2003, 12:19
يابلد ....
يامكروفون...!
يامصافي نفط ياكومة ديون
يابلد يارشح .. يازكام
وياكثرة سعال
يابلد يبدا الأجابة :
قبل مايقرا السؤال !!
___________________

( 1 )
يامغفّل
ياغبي
يابلد...
ياعربي
يابلد يامُحترم جداً
ولاهو مُحترم
يابلد راغب علامه
يابلد نجوى كرم
يابلد صاير على هالكون عاله
يابلد يستورد الصابون
ويصدّر : زباله
يابلد يافا وحيفا
والله ( مالك الاّ هيفا )
يابلد إملا الفراغ
يابلد وتفضّل اعرب :
بلد المليون مُستشهد غدى
بلد المليون مُطرب..!
__________________
( 2 )
يابلد ..
يامكروفون..!
يامصافي نفط
ياكومة ديون
يابلد
يارشح
يازكمه
وياكثرة سعال
يابلد يبدا الأجابة :
قبل مايقرا السؤال !!

( 3 )
هاذي العروبة
كل واحد منشغل في كيّ ثوبه
مادفعنا لو دفعنا :
عن فلسطين الشظيّة
ماحمينا طفل واحد:
من رصاصة بندقيّة
يعني نتكلم وفي كل القضايا
بسّ مانحمل قضيّة !!

( 4 )
طزّ ياشعب الكلام
طزّ :
ياشعب المحبة والسلام
طزّ ياشعبٍ نسى يبكي على الدرّة ولكن :
مانسى يضحك مع عادل إمام !!

( 5 )
يابلد والله ورب البيت والشاهي ودخّان الحقيقة
ودّي الثم ريحة القدس العتيقة
يمكن اكسر حاجز الدمع الثقيل
يمكن احضن :
ثوب طفله في الجليل
يمكن اكتب عن وجودي
عن إهانة شيخ في قبضة يهودي
عن بقايا من شوارع
من عماير
عن بلادي كيف نامت في سرير الذلّ تتعاطى السجاير !!

( 6 )
يابلد هذا كلامي :
واضح وسهل ونظامي
بلد المليون مُخبر
ماقدر يمسك حرامي
...!


منقوووووووووووووول




رئيس شركة دجو: البرررررررررررررررق

حلوين رغم الحزن
06-05-2003, 10:12
السلام عليكم

شكرا يالبرق على هذه المشاركه المخزيه
التي تعبر عن ماوصل له حال العرب

واضيف من عندي قصيده لشاعر الكويتي حمود البغيلي

الغرب يصنع طائرات وصواريخ ...
والشرق الاوسط ضاع نفطه بلاشي

حطوا لهم في صفحة العلم تاريخ ..
وحــــنا بماضينا نعيد النقــــــــاشي

من عقب ماكنا جبال شواميـــــخ ..
صرنا تحــــــت حكم الاجانب ولاشي

شي يدوخ الراس تدويـــــــــــــخ..
وشلون عقب الحر حــــــام الفراشي

اقولها والقلب اقوى من الصيخ ..
متى نشوف الحق في الارض ماشي

لاني ولد تاجر ولاني ولد شيـــخ ..
انا فقير وراس مـــــــالي معــــاشي

فإلى ان يصحوا العرب من قفلتهم....
لك ودي.